सर्लाहीको हरिपुर्वामा समाजवादी निर्वाचित, नेकपाले गुमायो

सर्लाही– सर्लाहीको हरिपुर्वा– १ मा वडाध्यक्ष पदका लागि भएको उपनिर्वाचनमा समाजवादी पार्टीका उम्मेदवार निर्वाचित भएका छन्।

यसअघि हरिपुर्वा वडा नम्बर १ का वडाअध्यक्षमा निर्वाचित नेकपाका इसाक अंसारीको निधन भएपछि त्यहाँ उपनिर्वाचन भएको हो ।

हरिपुर्वा गाउँपालिकाको वडा नम्बर १ को वडा अध्यक्षको लागि भएको उपनिर्वाचनमा समाजवादी पार्टीका श्यामबाबु राय निर्वाचित भएका हुन् ।
राय ३४७ मत ल्याएर निर्वाचित भएका छन् । उनका निकटतम प्रतिद्वन्द्वी राष्ट्रिय जनता पार्टी नेपालका रामविश्वास रायले ३२८ मत प्राप्त गरेका छन् ।

यसैगरी नेकपाले पनि ३२८, जनमत पार्टीले ५२ र नेपाली कांग्रेसले २३ मत प्राप्त गरेको जिल्ला निर्वाचन कार्यालय सर्लाहीले जनाएको छ ।

उपनिर्वाचनमा इसाकका छोरा दोस मोहम्मद अंसारी नेकपाबाट चुनाव लडेका थिए ।