कार्यकर्तालाई सजग रहन देउवाको निर्देशन

काठमाडौं- नेपाली कांग्रेसका सभापति शेरबहादुर देउवाले मतदान भएको स्थानहरुमा कार्यकर्तालाई सजग रहन निर्देशन दिएका छन्।

उपनिर्वाचनको मतदान प्रक्रिया सम्पन्न भएलगतै कांग्रेसले विज्ञप्ति जारी गर्दै मतदाताहरुलाई आभार प्रकट गरेको छ।

साथै आफ्ना नेता तथा कार्यकर्ताहरुलाई सभापति देउवाले मतगणना नहुन्जेलसम्म सजग रहन निर्देशन दिएका छन्।

कांग्रेसले अघिल्लो निर्वाचनसहित अहिलेको उपनिर्वाचन पनि निस्पक्ष ढंगले हुन नसकेको उल्लेख गर्दै नेकपा सरकारले सत्ताको दुरुपयोग, भौतिक आक्रमण जस्ता घटना घटाएको आरोप लगाएको छ।

सरकारी पक्षको असहयोगका बाबजुद पनि निर्वाचन सफल बनाउने निर्वाचन आयोग, कर्मचारी तथा सञ्चारकर्मीलाई कांग्रेसले धन्यवाद ज्ञापन गरेको छ।