भक्तपुर- भक्तपुर प्रदेशसभा (क)बाट साझा पार्टीका उम्मेदवार सुरज प्रधानले मतदान गरेका छन्।
उनले सूर्यविनायक नपा–३ स्थित वडा कार्यालयमा रहेको मतदान केन्द्रमा मतदान गरेका हुन्।
जारी उपनिर्वाचनअन्तर्गत प्रदेशसभा (क)का ५४ मतदान केन्द्रमा बिहान ७ बजेबाट मतदान सुरु भएको छ।
प्रमुख जिल्ला अधिकारी नारायणप्रसाद भट्टले शान्तिपूर्णरूपमा मतदान भइरहेको जानकारी दिए। मतदान शान्तिपूर्णरूपमा सम्पन्न गराउन सुरक्षा व्यवस्था चुस्त पारिएको उनको भनाइ छ।
यस क्षेत्रमा नौ राजनीतिक दलका नौ उम्मेदवार र १० स्वतन्त्रसहित कूल १९ उम्मेदवार चुनावी मैदानमा छन्।
आज देशभरका ३७ जिल्लामा तीनै तहका ५२ पदमा उपनिर्वाचन भइरहेको छ।