काठमाडौं- कास्की क्षेत्र नम्बर २ को एक मतदानस्थलमा शनिबार बम विस्फोट भएको छ।
पोखरा महानगरपालिका–९, नयाँबजारस्थित नवप्रभात माविमा रहेको मतदान केन्द्रमा बम विस्फोट गरिएको हो।
बिस्फोटबाट कुनै क्षति नभएको र सुरक्षा व्यवस्था चुस्त पारिएको प्रहरीले जनाएको छ।
विस्फोटपछि उक्त मतदानस्थलमा २० मिनेट मतदान रोकिएको थियो ।
मतदान स्थलमा माथिबाट बम फालिएको प्रत्यक्षदर्शीले बताएका छन्।
कास्की २ मा प्रतिनिधिसभा सदस्यका लागि उपनिर्वाचन भइरहेको छ।