काठमाडौं- राजधानीबाट प्रकाशित हुने दैनिक पत्रिकाले आज विभिन्न विषयलाई प्रमुख पृष्ठमा स्थान दिएका छन्।
कान्तिपुर दैनिकले १३ औं दक्षिण एसियाली खेलकुद प्रतियोगिता (साग)को रिहर्सलका दुई तस्बिसहितको समाचार प्रकाशित गरेको छ। यस्तै, सोही दैनिकले मुख्य पृष्ठमै ‘६ वर्षमा ५.६७ क्विन्टल सुन बरामद’ शीर्षकको समाचार छापेको छ।
अन्नपूर्ण पोस्ट दैनिकले जाजरकोटको भीरमा लडेर ज्यान गुमाउनेको कथालाई मुख्य समाचार बनाएको छ। अन्नपूर्णले उक्त समाचारलाई ‘मान्छे खाने भीर’ शीर्षक दिएको छ। समाचार अनुसार तीन वर्षमा उक्त भीरबाट लडेर ८० जनाले ज्यान गुमाएका छन्।
यस्तै, अन्नपूर्णले प्रधानमन्त्रीको स्वास्थ्यसम्बन्धी समाचारलाई पहिलो पृष्ठमै स्थान दिएको छ। अन्नपूर्णले उक्त समाचारलाई ‘रोगै छल्ने आत्मविश्वास’ शीर्षक दिएको छ।
नागरिक दैनिकले साग खेलाडी खेल छाडेर कतार गएको विषयलाई मुख्य समाचार बनाएको छ। नागरिकले उक्त समाचारलाई ‘स्वर्ण दाबेदार तुलसा साग छाडेर कतारतिर’ शीर्षक दिएको छ।
यस्तै, सोही दैनिकले ‘माफियाको कब्जामा ५०० बिघा सरकारी जग्गा’ शीर्षकको समाचारलाई पनि पहिलो पृष्ठमै स्थान दिएको छ।
नयाँ पत्रिका दैनिकले भने ‘सहमति कलेजको हितमा, विद्यार्थी सडकमा’ शीर्षकको समाचारलाई मुख्य बनाएको छ।
यस्तै, आज प्रकाशित सबै पत्रिकाले आज हुने उपनिर्वाचनसम्बन्धी समाचारलाई पहिलो पेजमै प्रकाशित गरेका छन्।