'साग' महिला भलिबलको सेमिफाइनलमा नेपाल 

काठमाडौं  - काठमाडौंमा जारी  १३ औं दक्षिण एसियाली खेलकुद (साग) को महिला भलिबलमा नेपाल सेमिफाइनल पुगेको छ। शुक्रबार भारतले बंगलादेशलाई पराजित गरेपछि नेपाली महिला टोली समूह उपविजेताका रुपमा सेामिफाइनल प्रवेश गरेको हो।

 

भारतको यो लगातार दोस्रो जित हो। यसअघि भारतले आयोजक नेपाललाईसमेत सोझो सेटमा पराजित गरेको थियो। नेपाल भारतसँग २४–२६, १२-२५ र १६-२५ ले पराजित भएको थियो। बंगलादेश भने प्रतियोगिताबाट बाहिरिएको छ।

 

त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा शुक्रबार भएको खेलमा भारतले बंगलादेशलाई २५–८,२५–११ र २५–९ को सोझो सेटमा पराजित गर्‍यो। यसअघि बंगलादेश नेपालसँग पनि सोझो सेटमै पराजित भएको थियो।