काठमाडौं । ग्लोबल आइएमई क्यापिटल लिमिटेड र साधना लघु वित्त वित्तीय संस्था लिमिटेडका बीच ६ लाख ३० हजार कित्ता साधारण सेयर प्रतिकित्ता रु. १ सयको दरले हुने कुल रकम रु. ६ करोड ३० लाख निष्कासन तथा विक्री गर्ने सम्बन्धमा सम्झौता भएको छ ।
सम्झौतापत्रमा ग्लोबल आइएमई क्यापिटल लिमिटेडको तर्फबाट प्रमुख कार्यकारी अधिकृत पारसमणि ढकाल तथा साधना लघुवित्त वित्तीय संस्था लिमिटेडको तर्फबाट प्रमुख कार्यकारी अधिकृत रेशम न्यौपानेले हस्ताक्षर गरेका छन् ।
गोरखामा केन्द्रीय कार्यालय रहेको साधना लघुवित्त वित्तीय संस्थाले तनहुँको डुम्रेमा रहेको आर्थिक समृृद्धि लघुवित्त वित्तीय संस्थालाई हालैमात्र एक्विजिसन गरेर घ वर्गको लघुवित्त संस्थाहरुमा मर्जर–एक्विजिसन गर्ने पहिलो लघुवित्त वित्तीय संस्था बनेको छ ।
हालैमात्र साधना लघुवित्त वित्तीय संस्थालाई नेपाल राष्ट्र बैंकले राष्ट्रियस्तरको लघुवित्त वित्तीय संस्थाको रुपमा इजाजतपत्र समेत प्रदान गरेको छ । हाल १४ करोड ७० लाख चुक्ता पुँजी रहेको साधारण सेयर निष्कासन पश्चात् जारी तथा चुक्ता पुँजी रु. २१ करोड पुग्ने छ ।