अमेरिकी राष्ट्रपति डोनाल्ड ट्रम्प अफगानिस्तान पुगेका छन् । अमेरिकामा थ्यांक्स गिभिङ डे मनाइरहँदा राष्ट्रपति भने अफगानिस्तान पुगेका हुन् ।
राष्ट्रपति ट्रम्पको भ्रमण पूर्वनिर्धारित नभएको बताइएको छ । उनी अफगानिस्तानस्थित अमेरिकी सैनिकको बेस क्याम्पमा छन् ।
उनले त्यहाँ अमेरिकी सैनिकलाई सम्बोधन गर्दै अमेरिका र तालिबानबीच वार्ता भइरहेको बताएका छन् । उनले भने, ‘तालिबान सम्झौता गर्न चाहन्छन् ।’ ट्रम्पले अफगान राष्ट्रपति अशरफ घानीसँग पनि भेट गरेका छन् ।
सो अवसरमा उनले अफगानिस्तानमा रहेको अमेरिकी सैनिकको संख्या पनि घटाउने जानकारी पनि दिएका छन् ।
बीबीसी