जंगली हात्तीको आक्रमणबाट सामुदायिक वनका कर्मचारीको मृत्यु

झापा- जंगली हात्तीको आक्रमणबाट सामुदायिक वनका कर्मचारीको ज्यान गएको छ।

हात्तीको आक्रमणमा परी पाथीभरा सामुदायिक वनका कार्यालय सहयोगी ५५ वर्षीय काया राय क्षेत्रीको घटनास्थलमै ज्यान गएको जिल्ला प्रहरी कार्यालयले जनाएको छ।

प्रहरीका अनुसार बिहीबार साँझ ७ बजे बनियानी बजारबाट घरतर्फ जाँदै गरेको अवस्थामा हात्तीले उनलाई सुँडले उचालेर पछारेका थिए ।

क्षेत्रीको शव परीक्षणका लागि भद्रपुरस्थित मेची अस्पतालपठाएको प्रहरीले जनाएको छ।

पछिल्लो समय कचनवलमा जंगली हात्ती पस्न थालेपछि स्थानीय त्रसित छन्।