शनिबार, फागुन १७, २०७६

समाचार

सुदूरपश्चिम सरकारको अत्याधुनिक एम्बुलेन्समा चित्तल तस्करी

सुदूरपश्चिम सरकारको अत्याधुनिक एम्बुलेन्समा चित्तल तस्करी

धनगढी- सुदूरपश्चिम प्रदेश सरकारले वितरण गरेको अत्याधुनिक भनिएको एम्बुलेन्समा चित्तल तस्करी भैरहेको भेटिएको छ।

प्रदेशको सामाजिक विकास मन्त्रालयले बाँडेको एम्बुलेन्स चित्तल तस्करी गर्दै गरेको अवस्थामा दार्चुलामा प्रहरीले फेला पारेको छ।

बैतडीको डिलाशैनी गाउँपालिकाले चलाउँदै आएको सुदूरपश्चिम प्रदेश ०१-००१ झ ३४६ नम्बरको एम्बुलेसलाई ईलाका प्रहरी कार्यालय गोकुलेश्वरले नियन्त्रणमा लिएको जनाएको छ।

महेन्द्रनगरबाट फर्किने क्रममा एम्बुलेन्सलाई चेकजाँच गर्दा मृत चित्तल भेटिएपछि नियन्त्रणमा लिएको ईलाका प्रहरी कार्यालय गोकुलेश्वरका प्रमुख प्रहरी निरीक्षक खगेन्द्र साउँदले जानकारी दिए।

प्रहरीले एम्बुलेन्स चालक महेश बोहोरालाई नियन्त्रणमा लिएको छ। बोहोराले कञ्चनपुरको अर्जुनी ब्यारेकबाट चित्तल मारेर ल्याएको बयान प्रहरी समक्ष दिएका छन्।

चितल र चलक सव डिभिजन वन कार्यालय चौलानीलाई बुझाईने प्रहरीले जनाएको छ।

प्रतिक्रिया दिनुहोस्