काठमाडौं : साहित्यकार तारानाथ शर्मा (तानासर्मा) ले ‘बालकृष्ण सम पुरस्कार’ प्रदान गरिने भएको छ।
त्रिमूर्ति निकेतनले ‘सम र समका कृति’ मार्फत नाट्यसम्राट् बालकृष्ण समको महत्त्वपूर्ण दस्तावेज लेखनका साथै साढे सात दशकदेखि नेपाली भाषासाहित्यको सेवामा समर्पित शर्मालाई एक लाख रूपैयाँ राशिको पुरस्कार दिने निर्णय गरेको हो।
यस्तै आधुनिक कथा र उपन्यास सृजनामा याेगदान दिएबापत गीता केशरी र पद्मावती सिंहलाई संयुक्त रूपमा ‘नेपाली साहित्य नारीरत्न’ को सम्मानसहित पुरस्कार समर्पण गरिने निर्णय भएको छ। ताम्रपत्रका साथै पुरस्कारको राशि एक लाख रूपैयाँ छ।
शताब्दी पुरुष सत्यमोहन जोशीको उचाइ अभिवृद्धिका लागि समर्पित प्रसिद्ध कलाकार राजन काफ्ले र समाजसेवी श्रीगोपाल महर्जनलार्ई ‘सत्यमोहन जोशी शताब्दी पदक’ समर्पण गर्ने निर्णय भएको निकेतनले जनाएको छ।
त्रिमूर्ति निकेतनको भौतिक सम्हार र संरक्षणमा विशेष योगदान पुर्याएबापत मोहनकृष्ण सापकोटा र श्री ढण्डुराज घिमिरेलाई ‘त्रिमूर्ति सेवा पदक’ समर्पण गर्ने निर्णय भएको छ।
दस हजार रुपैयाँ राशिसहित यस वर्षको ‘भद्र घले पदक’ विश्वनारी नेपाली साहित्य सम्मेलनका संयोजक प्रा।डा। गार्गी शर्मालार्ई समर्पण गरिएको छ।