काठमाडौं - पूर्वराजा ज्ञानेन्द्र शाहले प्रधानमन्त्री केपी शर्मा ओलीको सिघ्र स्वास्थ्य लाभको कामना गरेका छन्। शाहले मुख्य सचिव पशुपतिभक्त महर्जनमार्फत ओलीको स्वास्थ्य लाभको सन्देश पठाएका थिए। महर्जनले अस्पताल पुगेर सो सन्देश ओलीसमक्ष पुर्याएका थिए भने उनको स्वास्थ्य अवस्थाबारेसमेत जानकारी लिएका थिए।
मंगलबार बिहान महाराजगन्जस्थित त्रिवि शिक्षण अस्पतालमा रहेको मनमोहन कार्डियोथोरासिक भास्कुलर एन्ड ट्रान्स्सप्लान्ट सेन्टरमा ओलीको एपेन्डिक्सको अपरेसन गरिएको थियो।