काठमाडौं । नेपाली कांग्रेसका नेता प्रकाशमान सिंहले जनअपेक्षा अनुरुप काम गर्न नसक्ने वर्तमान सरकार पूर्णतया असफल भएको आरोप लगाएका छन्। भक्तपुरको ताथलीमा मंगलबार आयोजित पार्टीको चुनावी सभालाई सम्बोधन गर्दै नेता सिंहले दुई तिहाइको आडमा लोकतन्त्र कमजोर बनाउँदै कम्युनिष्ट अतिवाद लाद्न खोजेको आरोप लगाए।
‘विकास बजेटसम्म खर्च गर्न नसक्ने, प्रदेशको राजधानी तोक्न र नामकरण गर्न नसक्ने सरकारबाट जनताले थप के आश गर्नु र ?’ नेता सिंहले प्रश्न गरे। सरकार बनेको दुई वर्ष पुग्न लाग्दा पनि जनअपेक्षा अनुसार माखो मार्न नसक्नेले पुनः मत माग्नु लज्जास्पद भएको उनको टिप्पणी थियो।
राजनीतिक स्थिरता र लोकतान्त्रिक मूल्यमान्यताको सम्वद्र्धन गर्न कांग्रेस बाहेक कसैले नसक्ने भन्दै सिंहले उपचुनावमा कांग्रेसलाई मत दिन मतदातासँग अपिल गरे।