बाजुरा । बाजुरामा एक सुत्केरीको अत्यधिक रक्तश्रावका कारण ज्यान गएको छ। जगन्नाथ गाउपालिका–५ गोत्री सामुदायिक ईकाई केन्द्रमा सोमबार दिउँसो सुत्केरीको मृत्यु भएको हो।
मृत्यु हुनेमा जगन्नाथ– ६ गोत्रीकी ३५ वर्षीया पुल्ती रावल रहेको जिल्ला अस्पतालले जनाएको छ। जिल्ला अस्पतालका प्रमुख डा. रुपचन्द्र विश्वकर्माले घरमै सुत्केरी भएकी रावलको साल अड्किएपछि अत्यधिक रक्तश्रापका कारण मृत्यु भएको जानकारी दिए।
रावललाई बेहोस अवस्थामा सामुदायिक स्वास्थ्य इकाई गोत्री पुर्याइएको स्वास्थ्य इकाईमा कार्यरत अमर बुढाले बताए। साल निकालिएपछि रगत रोकिए पनि एक्कासी मृत्यु भएको बुढाले बताए।
भदौ यतामात्र रक्तश्रावबाट बाजुरामा तीन सुत्केरीको ज्यान गएको छ।