धनगढी- निर्माणाधीन मोहना-अत्तरिया ६ लेन सडकमा कालोपत्रे सुरु भएको छ।
जसअन्तर्गत पहिलो चरणमा मोहनापुलदेखि चौराहासम्म कालोपत्रे सुरु गरिएको हो।
मोहना पुलदेखि अत्तरियासम्म तीन टुक्रामा ठेक्का दिएर काम भइरहेको सडक योजना कार्यालयका प्रमुख होमबहादुर एसीले बताए। उनका अनुसार अन्य खण्डमा कालोपत्रे गर्ने तयारी भइरहेको छ।
सडक निर्माण अवधि गत जेठमै सकिए पनि अहिलेसम्म नथपिएको प्रमुख एसीको भनाइ छ।
सडक निर्माणमा विभिन्न अवरोध आएकाले सम्पन्न हुन नसकेकाे उनले बताए ।
पहिलो चरणको ठेक्का शर्मा अमर नागार्जुन जेभीले तथा दोस्रो चरणको ठेक्का राजेन्द्र निर्माण सेवाले पाएको जनाइएको छ। झन्डै साढे १४ किलोमिटर लम्बाइ रहेकाे सडककाे निर्माण लागत एक अर्ब ६८ करोड रूपैयाँ अनुमान गरिएकाे छ।