मंगलबार, असार २३, २०७७

मनोरञ्जन

शुभकामना सिनेमा हल आधुनिक सुविधासहित पुनः सञ्चालनमा

1581055765Shubhakamana_Hall.jpg

काठमाडौं– काभ्रेको गोदामचोकस्थित शुभकामना सिनेमा हल आधुनिक सुविधासहित आजबाट पुनः सञ्चालन भएको छ।

आधुनिक सुविधायुक्त बनाउन करिब ४५ दिन बन्द रहेको उक्त सिनेमा हल आजबाट पुनः सञ्चालनमा आएको हो।

सिनेमा हलमा अत्याधुनिक डल्बी डिजिटल साउन्ड, एसी, आरामदायी सिटको सुविधा रहेको सञ्चालक दुर्गालाल प्रधानले जानकारी दिए।

२०४ सिट क्षमताको सिनेमा हलमा प्रत्येक सोको टिकट दर १५० रूपैयाँ तोकिएको छ।

सिनेमा हल पुनः सञ्चालन भएको अवसरमा टिकटमा छुट दिइएको सञ्चालक प्रधानले बताए। उनका अनुसार बुधबार तथा बिहीबार र बिहानी सोको टिकट १०० रूपैयाँ तोकिएको छ।

सिनेमा हल पुनः सञ्चालन भएसँगै यसको नामसमेत परिवर्तन गरिएको छ। यसअघि उक्त सिनेमा हलको नाम ‘शुभकामना हाइभिजन हल’ थियो।

प्रतिक्रिया दिनुहोस्