काठमाडौं- बैंकिङ कसूरको मुद्दा लागेका बैंक अफ काठमाण्डूका पूर्व प्रमुख कार्यकारी अधिकृत अजय श्रेष्ठ र पूर्व कर्मचारी किरणकुमार बोहरालाई सर्वोच्च अदालतले धरौटीमा रिहा गर्न आदेश दिएको छ।
आइतबार न्यायाधीशहरु सपना मल्ल प्रधान र कुमार रेग्मीको संयुक्त इजलासले श्रेष्ठ र बोहोरालाई जनही एक/एक करोड रुपैयाँ धरौटीमा छाड्न आदेश दिएको सर्वोच्चका प्रवक्ता भद्रकाली पोखरेलले जानकारी दिए।
थुनामा राखेर मुद्दा पुर्पक्ष गर्ने भन्ने उच्च अदालत पाटनको आदेश बदर गर्दै धरौटीमा छोड्न आदेश दिएको पोखरेलले जानकारी दिए। उच्च अदालतको आदेशविरुद्ध उनीहरु सर्वोच्च गएका थिए।
नक्कली धितोमा ऋण प्रवाह गरेको र कीर्ते गरेको अभियोगमा उनीहरु पक्राउ परेका थिए। कर्जा लगानी भएको बेला श्रेष्ठ सीईओ थिए। उनीहरु धरौटी तिरेर थुनामुक्त हुन सुक्ने छन्।