भक्तपुरमा कांग्रेस र राप्रपा (संयुक्त)बीच चुनावी तालमेल

काठमाडौं– आशन्न उपनिर्वाचनका लागि प्रमुख प्रतिपक्षी दल नेपाली कांग्रेस र राप्रपा (संयुक्त) बीच चुनावी तालमेल भएको छ। भक्तपुरको प्रतिनिधिसभा निर्वाचन क्षेत्र १ को प्रदेशसभा निर्वाचन क्षेत्र क मा चुनावी तालमेल भएको कांग्रेसले जनाएको छ।

प्रदेश सभा सदस्यको उक्त सिटमा मंसिर १४ गते उपनिर्वाचन हुँदैछ। उपनिर्वाचनमा राप्रपा (संयुक्त)ले कांग्रेस उम्मेदवार कृष्ण भडेललाई सघाउने सहमति भएको कांग्रेस भक्तपुरका जिल्ला सभापति दुर्लभ थापाले जनाएका छन्।

तालमेलबारेको घोषणा आजै गर्ने तयारी भएको थापाले जनाए। यसअघि राप्रपा (संयुक्त)का उम्मेदवार रामशरण लामिछानेको उम्मेदावरी खारेज भएको थियो।