काठमाडौं - १३ औं दक्षिण एसियाली खेलकुद सागको ओलम्पिक टर्च र्याली शुक्रबार काठमाडौंबाट सुरू भएको छ।
राष्ट्रिय खेलकुद परिषद्का सदस्य सचिव रमेश सिलवालले टर्च प्रज्वलनगरी वरिष्ठ ओलम्पियन पूर्व धावक जितबहादुर केसीलाई हस्तान्तरण गरेका थिए। र्यालीमा सहभागि ओलम्पियनको समूहले ओलम्पिक टर्च देशका विभिन्न क्षेत्रमा पुर्याउने छन्।
पहिलो दिन काठमाडौंबाट सुरु भएको यात्रा विराटनगर, धनुषा, हेटौडा, चितवन, लुम्बिनी, बुटवल, सुर्खेत, नेपालगञ्ज, धनगढी, पोखरा हुँदै नवौं दिन प्रतियोगिताको उद्घाटन स्थल काठमाडौंको दशरथ रंगशाला ल्याइपुर्याइने छ।
टर्च र्यालीमा १३ जनाको सहभागीता रहेको छ।