काठमाडौं- बुधबार साँझ भएको मन्त्रिपरिषद् पुनर्गठनमा सत्तारुढ नेपाल कम्युनिस्ट पार्टी (नेकपा)मै असन्तुष्टि देखिएको छ।
पार्टीभित्र योगदान र कार्यसम्पादनलाई ध्यानमा नराखी मन्त्रिपरिषद् पुनर्गठन भएको भन्दै नेकपा नेता एवं प्रदेश २ का अध्यक्ष प्रभु साहले असन्तुष्टि जनाएका छन्।
नेता साहले भने, “मन्त्रिपरिषद् पुनर्गठनमा सामान्य कम्युनिष्ट मूल्यमान्यताको पनि पालना भएको छैन। गुट–उपगुटका आधारमा मन्त्री बनाइएको छ।”
उनका अनुसार कार्यसम्पादनका आधारमा मन्त्री चयन गर्ने भनिएको थियो । तर, अन्तिममा पूर्वाग्रह र लेनदेनकै आधारमा मन्त्री चयन भएको साहले बताए। योग्यलाई हटाउने र अयोग्यलाई मन्त्री बनाउँदा पुनः एक पटक लज्जित हुनुपरेको उनकाे भनाइ छ।