प्रधानमन्त्रीले केही मन्त्री हटाए, केही थपे (सूचीसहित)

प्रधानमन्त्री केपीशर्मा ओलीले बुधबार अबेर मन्त्रिपरिषद पुनर्गठन गरेका छन् ।

प्रधानमन्त्री ओलीले केही मन्त्रीलाई हटाएर नयाँ नियुक्त गरेका छन् भने केही मन्त्रीको जिम्मेवारी परिवर्तन गरेका छन् ।

प्रधानमन्त्री ओलीले राष्ट्रपति कार्यालयमा पठाएको सूची अनुसार भौतिक पूर्वाधार तथा यातायातमन्त्री रघुवीर महासेठ, संघीय मामिला तथा स्थानीय विकास मन्त्री लालबाबु पण्डित, महिला, बालबालिका तथा ज्येष्ठ नागरिक मन्त्री थममाया थापा, कृषिमन्त्री चक्रपाणि खनाल र उद्योगमन्त्री मातृका यादवलाई मन्त्रीबाट हटाइएको छ।

उनीहरूको ठाउँमा क्रमशः बसन्त नेम्वाङ, हृदयश त्रिपाठी, पार्वत गुरुङ, घनश्याम भुषाल र लेखराज भट्टलाई नियुक्त गरिएको छ । स्वास्थ्यमन्त्री उपेन्द्र यादवलाई कानून मन्त्रालयको जिम्मा लगाइएको छ भने भानुभक्त ढकाललाई स्वास्थ्यमन्त्रीको जिम्मेवारी दिइएको छ।

यस्तै श्रम, रोजगार तथा सामाजिक सुरक्षामन्त्री गोकर्ण विष्ट हटाइएका छन् भने उनको ठाउँमा रामेश्वर राय आएका छन् ।

पर्यटन राज्यमन्त्री धनबहादुर बुढा, कृषि राज्यमन्त्री रामकुमारी चौधरी र स्वास्थ्य राज्यमन्त्री सुरेन्द्रकुमार यादव हटाइएका छन् ।

मोती दुगड, रामबीर मानन्धर र नवराज रावत क्रमशः उद्योग तथा वाणिज्य राज्यमन्त्री, सहरी विकास राज्यमन्त्री र स्वास्थ्य राज्यमन्त्री नियुक्त भएका छन् ।

राष्ट्रपति कार्यालयले राति अबेर मन्त्रिपरिषद् पुनर्गठनको सूचना सार्वजनिक गरेको हो।

नयाँ मन्त्रीहरूले भोलि (बिहीबार)राष्ट्रपति कार्यालय शीतलनिवासमा पद तथा गोपनियताको शपथ लिनेछन्।