काठमाडौं- अख्तियार दुरुपयोग अनुसन्धान आयोगले कारागार कार्यालय भिमफेदी मकवानपुरका जेलर चिरञ्जिवी थापा र उनकी श्रीमतिविरुद्ध भ्रष्टाचारको मुद्दा चलाएको छ ।
जेलर थापाले सार्वजनिक सेवाको पदमा रही गैरकानुनी सम्पत्ति आर्जन गरी अस्वभाविक उच्च जीवनयापन गरेको आरोपमा उनीविरुद्ध छानबिन गरी अख्यिारले विशेष अदालतमा मुद्दा दायर गरेको हो ।
उनीविरुद्ध १ करोड १३ लाख ६० हजार ४१० रुपैयाँ ९५ पैसा बिगो दाबी गरिएको छ ।
त्यस्तै उनकी श्रीमति गोमा कट्टेल थापाविरुद्ध पनि मुद्दा दायर गरिएको छ ।
जेलर थापाले आफूले पदको दुरुपयोग गरी कमाएको सम्पत्ति श्रीमतीको नाममा पनि दर्ता गराएको भन्दै विशेष अदालत काठमाडौंमा आइतबार आरोप पत्र दायर गरिएको अख्तियार दुरुपयोग अनुसन्धान आयोगका प्रवक्ता प्रदीप कुमार कोइरालाले जनाएका छन् ।
शनिबार राति भीमफेदी कारागारबाट एक जना कैदी फरार भएका थिए ।