काठमाडौं- नेपालको टी–२० वरियतामा सुधार भएको छ। अन्तर्राष्ट्रिय क्रिकेट काउन्सिल (आईसीसी)ले जारी गरेको वरियतामा नेपाल एक स्थान सुधार गर्दै १२औं स्थानमा उक्लिएको हो।
काठमाडौं- यसअघि नेपाल आईसीसीको टी २० वरियता अन्तर्गत १३औं स्थानमा थियो। पछिल्लो बैसानमा नेपालले मलेसिया र नेदरल्यान्डसँगको त्रिपक्षीय शृंखलामा उत्कृष्ट प्रदशन गर्दै सो शृंखलामा विजयी भएको थियो।
त्यपछि नेपाल १३औं स्थानमा उक्लिएको हो। यसअघि एकपटक नेपाल विश्व वरियताको ११औं स्थानमा उक्लिएको थियो। जुन नेपालको सबैभन्दा उच्च वरियता हो। अहिले जिम्वावे ११औं स्थानमा छ। यता नेपाल टेस्ट राष्ट्र आयरल्यान्डभन्दा दुई स्थान अघि छ।
टी २० वरियताको शीर्षस्थतानमा इंग्ल्यान्ड छ भने इन्डिया दोस्रो स्थानमा छ। त्यस्तै, न्युजिल्यान्ड तेस्रो स्थानमा छ। पाकिस्तान चौथो स्थानमा हुँदा अष्ट्रेलिया पाँचौ स्थानमा छ।
यता एकदिवसीय वरियतामा भने नेपाल यथास्थानमा छ। नेपाल अहिले १६औं स्थानमा यथावत् छ। एकदिवसीयतर्फको वरियतामा न्युजिल्यान्ड शीर्षस्थानमा छ।