काठमाडौं - सत्तारुढ समाजवादी पार्टी, नेपालमा सरकारबाट बाहिरन दबाब बढेको छ ।
पार्टीको जारी केन्द्रीय समिति बैठकमा सम्बोधन गर्ने अधिकांश नेताहरूले सरकार छाडेर राजपासँग एकीकरण प्रक्रिया थाल्न सुझाव दिएको महासचिव गंगानारायण श्रेष्ठले बताए ।
बिहीबार सम्पन्न समाजवादीकाे राष्ट्रिय परिषद् बैठकमा बोल्ने अधिकांश सहभागीले सरकार छोड्न दबाब दिएका थिए।
केन्द्रीय समिति सदस्यहरुले राजपासँग पार्टी एकीकरणका लागि पनि सुझाव दिएका छन्।
शनिबारसम्म चल्ने केन्द्रीय समिति बैठकले पार्टीको आगामी रणनीति तय गर्ने र पदाधिकारी बैठकले सरकारका विषयमा निर्णय लिने जनाइएको छ।