काठमाडौं- प्रहरीले धनुषाको लक्ष्मिनिया गाउँपालिका–१ सोहनी बस्ने २० वर्षीय बिपिन यादवलाई लागूऔषधसहित पक्राउ गरेको छ।
नियन्त्रित लागूऔषध नाइट्राभेट १२ ट्याबलेट, स्पासमो प्रिभोन ३ ट्याबलेट, नाईट्रोसन ७ ट्याबलेट र करिब ५० ग्राम अवैध लागुऔषध गाँजासहित बिहीबार राति उनलाई पक्राउ गरेको प्रहरीले जनाएको छ।
अस्थायी प्रहरी पोस्ट लक्ष्मिनियाबाट खटिएको प्रहरीले उनलाई उक्त परिमाणको लागूऔषधसहित पक्राउ गरेको हो ।
यस्तै, सिरहाको लक्ष्मीपुर पतारी गाउँपालिका–५ पछगाँडाबाट अवैध लागूऔषध गाँजा करिब ३० केजीसहित धनगढीमाई नगरपालिका–१४ खुट्टी बस्ने ५० वर्षीय रामबहादुर तामाङ पक्राउ परेका छन् ।
इलाका प्रहरी कार्यालय महेशपुरपतारबाट खटिएको प्रहरीले उनलाई उक्त परिमाणको लागूऔषध सहित पक्राउ गरेको हो।