पर्सा- पर्सा प्रहरीले १० किलोग्राम गाँजासहित एक जनालाई पक्राउ गरेको छ।
पटेर्वासुगौली गाँउपालिका –२ स्थित रंगपुर चौकबाट प्रहरीले गाजाँसहित सोही गाउँपालिका–४ बस्ने २५ वर्षीय शिवजन्म माझीलाई पक्राउ गरेको हो।
जिल्ला प्रहरी कार्यालय, ईलाका प्रहरी कार्यालय पटेर्वा सुगौली तथा प्रहरी चौकी रङ्गपुरबाट खटिएको प्रहरी टोलीले चेकजाँचका क्रममा माझीले झोलामा लुकाई राखेको अवस्थामा उक्त गाँजा भेटिएको जिल्ला प्रहरी कार्यालयले जानकारी दिएको छ।
माझीलाई ईलाका प्रहरी कार्यालय पटेर्वासुगौलीमा राखेर अनुसन्धान भैरहेको प्रहरीले जनाएको छ।