धनगढी- कैलालीमा मोटरसाइकलकाे ठक्करबाट एक जनाको ज्यान गएको छ।
जिल्लाको घोडाघोडी नगरपालिका-१, सुख्खडका ७७ वर्षीय जीतबहादुर बमको ज्यान गएको हो। पूर्वबाट पश्चिमतर्फ गइरहेको प्रदेश नं.२, २०३००२ प ८०६० नम्बरको मोटरसाइकलले सुख्खड बजारमा बाटो काट्ने क्रममा उनलाई ठक्कर दिएको थियो।
ठक्करबाट घाइते जीतबहादुरकाे उपचारको लागि भारतको लखनउ लैजाने क्रममा मंगलबार राति बाटोमा मृत्यु भएको इलाका प्रहरी कार्यालय, सुख्खडका प्रहरी निरीक्षक हरिशरण भट्टले जानकारी दिए।
मोटरसाइकल चालक बर्दगोरिया गाउँपालिका-१, बौनियाका पारस परियारलाई प्रहरीले नियन्त्रणमा लिएको छ।