देउवाको प्रश्न : राष्ट्रवादी ओली सीमा अतिक्रमणमा किन बोल्दैनन्?

हेटौंडा - नेपाली कांग्रेसका सभापति शेरबहादुर देउवाले लिपुलेकबारे आफूले भारतमा पटक-पटक कुरा राखेको बताएका छन्। प्रदेश ३ को राजधानी हेटौंडामा केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा मंगलबार भएको प्रदेश ३ स्तरीय महाधिवेसन प्रतिनिधिहरुको प्रशिक्षण कार्यक्रममा बोल्दै सभापति देउवाले विगतका दिनमा आफूले सीमा समस्या तथा लिपुलेक र कालापानीबारे भारतमै गएर कुराकानी गरेको बताए। उनले कालापानी र लिपुलेक नेपालकै भएको दाबीसमेत गरे।

देउवाले राष्ट्रवादको कुरा गर्ने प्रधानमन्त्री ओली यसबारे चुप बसेको देखेर आफू आश्चर्यमा परेको बताए। उनले भने राष्ट्रवादका कुरा गर्ने प्रधानमन्त्री ओली किन खुलेर बोल्न सकेका छैनन्। लिपुलेक र कालापानी हाम्रो हो भनेर किन भन्न सकेका छैनन्?'

सरकारले मुलुकमा अधिनायकवाद लादेको आरोप देउवाले लगाए। उनले कार्यकर्तालाई सीमाना र राजनीति दुबै बचाउन निर्देशनसमेत दिए।