काठमाडौं - नेपालमा आयोजना हुने दक्षिण एसियाली खेलकुल(साग) मा सहभागी हुने यू-२३ नेपाली फुटबल टोलीको घोषणा गरिएको छ।
अखिल नेपाल फुटबल संघ (एन्फा)ले सोमबार घोषणा गरिएको टोलीबारे जानकारी गराएको छ। टोलीका मुख्य प्रशिक्षक बालगोपाल महर्जनले सोमबार २० सदस्यीय नेपाली टिमको घोषणा गरेका हुन्। टिममा नेपालका ३ सिनियर खेलाडीहरु बिकेश कुथु,बिक्रम लामा र सुजल श्रेष्ठ पनि समावेश छन्।
प्रशिक्षक महर्जनले नेपाली टोलीले लामो समयदेखि सागका लागि तयारी गरिरहेकोले सकरात्मक नतिजा आउनेमा विश्वास व्यक्त गरे। उनले खेलाडीहरुले उत्कृष्ट प्रदर्शन गर्नेमा आफू ढुक्क रहेको बताए।
सागका लागि नेपाली टिम
गोलकिपर : विकेश कुथु,अर्पण कार्की र दिप कार्की
डिफेन्डर : अनन्त तामाङ, दिनेश राजवंशी, सुमन अर्याल, विक्रम लामा, विकास खवास, मिक्छेन तामाङ र छिरिङ गुरुङ
मिडफिल्डर : सुजल श्रेष्ठ, सुनिल बल, हेमन्त थापा मगर, नितिन थापा,शेसेहाङ अम्दाङ्बे र तेज तामाङ
फरवार्ड : विमल घर्ती मगर,अभिशेक रिजाल,रेजिन सुब्बा र अन्जन बिष्ट