मंगलबार, चैत २५, २०७६

समाचार

दुई प्रदेशका राजधानी सिधा हवाई सम्पर्कबाट जोडिँदै

1580118255Beech_1900_D_Aircraft.jpg

इटहरी– प्रदेश १ को राजधानी विराटनगर र गण्डकी प्रदेशको राजधानी पोखराबीच सिधा हवाई सम्पर्क हुने भएको छ । विराटनगर विमानस्थलबाट पहिलोपटक फेब्रअरी ३ अर्थात् माघ २० गतेबाट पोखरासँग सिधा हवाई उडान हुन लागेको हो ।

उडानका लागि बुद्ध एयरको १८ सिटे वीचक्रफ्ट विमान प्रयोग हुने बुद्ध एयर विराटनगर स्टेसन प्रमुख कौशल भण्डारीले जानकारी दिए । उनका अनुसार २०५ नटिकल माइलको दूरीमा रहेका विराटनगर–पोखरा उडान ५५ मिनेटको हुनेछ ।

६ हजार २ सय सुरुवाती भाडादर तोकिएको र हप्तामा तीन उडान हुने भण्डारीले बताए । माघ २० गते दिँउसो १ः१० मा पहिलो उडान हुनेछ । ग्राहकको चाप हेरेर हप्तामा तीन उडान सम्म गर्ने तयारी भएको उनले बताए ।

विराटनगर–पोखरा सिधा उडान भएसँगै प्रदेश १ को पर्यटकीय चहलपहल बढ्ने प्रदेश १ का पर्यटन व्यवसायी फणिन्द्र अधिकारी बताउँछन् । नेपाल भ्रमण वर्ष २०२० को प्रदेश समिति सदस्य समेत रहेका अधिकारीले पोखरा र प्रदेश १ को पर्यटकीय आदानप्रदानको लागि उडान महत्वपूर्ण भएको बताए ।

 

प्रतिक्रिया दिनुहोस्