आइतबार, चैत २३, २०७६

समाचार

२९ राउण्ड गोलीसहित पोखरा बिमानस्थलबाट १ जना पक्राउ

1576042846pakrau-nsss.jpg

काठमाडौं- प्रहरीले २९ राउण्ड गोलीसहित पोखरा विमानस्थलबाट एक जनालाई पक्राउ गरेको छ।

चेकजाँचका क्रममा राइफलमा प्रयोग हुने गोलीसहित पोखरा महानगरपालिका–२७ रिट्ठेपानीका ४० वर्षीय जितु शाही पक्राउ परेको प्रहरीले जनाएको छ।

चेकजाँचका क्रममा शाहीको झोलाबाट गोली फेला परेको कास्कीका प्रहरी प्रवक्ता डिएसपी राजकुमार केसीले जानकारी दिए।

शाहीको साथमा भेटिएको गोली २२ बोर राइफलमा प्रयोग हुने रहेको केसीले जानकारी दिए।

केसीकाअनुसार शाही यति एअरको उडानमार्फत काठमाडौँ उड्न लागेका थिए। प्रहरीले थप अनुसन्धान गरिरहेको जनाएको छ।

प्रतिक्रिया दिनुहोस्