सोमबार, फागुन १२, २०७६

खेलकुद

एलिसिककाे ह्याट्रिकमा एटलान्टाको फराकिलो जित, टोरिनो ७–० ले पराजित

एलिसिककाे ह्याट्रिकमा एटलान्टाको फराकिलो जित, टोरिनो ७–० ले पराजित

एटलान्टा– सिरी ‘ए’अन्तर्गत शनिबार राति भएको खेलमा एटलान्टाले टोरिनोलाई फराकिलो जित दर्ता गरेको हो ।

पाहुना टोली एटलान्टाले टोरिनोमाथि ७–० को फराकिलो अन्तरले पराजित भएको हो।

पाहुना टोलीका एलिसिकले १७ औं मिनेटमै सुरुवाती गोल गरे। उनले पालोमानोको पासलाई गोलमा बदलेका थिए।

त्यस्तै, २९ औं मिनेटमा गोसेन्सले एक गोल थपेर अग्रतालाई दोब्बर बनाएका थिए। पहिलो हाफको इन्जुरी समयमा जपाटाले पेनाल्टीमा पाएको अवसरको सदुपयोग गर्दै तेस्रो गोल गरेपछि टोरिनो ३ गोलले पछि पर्यो।

पहिलो हाफमा ३–० को अग्रता बनाएको एटलान्टाले दोस्रो हापको सुरुवातमै आक्रामक खेल्यो। खेलको ५३ र ५४औं मिनेटमा इलिसिकले लगातार दुई गोल गरेर ह्याट्रिक पूरा गरे। त्यसपछि मुरेलले ८६ र ८९ औं मिनेटमा गोल गरेर ७–०को फराकिलो नतिजा बनाउन सफल बने।

टोरिनोलाई दुई रातो कार्ड

घरेलु टोलीले भने दुई रातो कार्ड खाएको छ। उसका मिडफिल्डर सासा लुकिले ८९ मिनेटमा रातोका कार्ड खाँदै बाहिरिए।

त्यसअघि नै टोलीका रक्षक अर्मान्डो इज्जोले दोहोरो पहेंलो कार्ड खाएर बाहिरिएका थिए। ७६ औं मिनेटमा १० खेलाडीमा सीमित भएको टोली ८९औं मिनेटमा ९ जनामा झरेको थियो।

जितसँगै एलान्टाले ३८ अंक बनाएको छ। उसले २१ खेलमा ११ जित र पाँच बराबरी खेल्दै यो नतिजा बनाएको हो।

प्रतिक्रिया दिनुहोस्