भारतले गर्‍यो नेपालसँगको सीमा बन्द

काठमाडौं - भारतले उत्तर प्रदेशसँग जोडिएका नेपाली सीमा बन्द गरेको छ।

शनिबार सर्वोच्च अदालतले अयोध्या विवादबारे फैसला सुनाउने भएपछि उत्पन्न हुनसक्ने परिस्थितिलाई मध्यनजर राख्दै नेपालसँगका सीमा बन्द गरिएको भारतीय पक्षले जानकारी दिएको छ। भारततर्फबाट आएका यात्रुलाई भने आउन दिइएको छ भने नेपालबाट हुने प्रवेशलाई निषेध गरिएको छ।

मुद्दाको फैसला सुनाउने तयारी भएसँगै अयोध्यासहित उत्तर प्रदेशको सुरक्षा व्यवस्था कडा पारिएको छ। स्कूल तथा क्याम्पस दुई दिनका लागि बन्द गरिएको छ।