सागका लागि महिला फुटबल टोलीको घोषणा

काठमाडौं - १३औं दक्षिण एसियाली खेलकुद (साग)का लागि महिला फुटबल टोलीको घोषणा भएको छ। मुख्य प्रशिक्षक हरी खड्काले साग खेल्ने अन्तिम २० सदस्यीय फुटबल टिमको घोषणा गरेका हुन्।

टोलीको गोलकिपरमा एन्जिला तुम्बापो, अन्जना राना मगर, उषा नाथ छन्। डिफेन्समा गिता राना, पुजा राना, पुनम झर्गामगर, अमृता जैसी, हिरा कुमारी भुजेल, मनमाया लिम्मु, कबिता धिमाल रहेका छन्। यस्तै मिडफिल्डमा बिमला चौधरी, मञ्जलीकुमारी योञ्जन, अनिता बस्नेत, ईन्दिरा राई, सरु लिम्बु, दिपा राई र रेनुका नगरकोटी छन् भने फरवार्डतर्फ सावित्रा भण्डारी, निरु थापा र अनिता केसी छनोटमा परेका छन्।

टोलीको सहायक प्रशिक्षकमा अरुणा गुरुङ र गोलकिपर प्रशिक्षकमा अस्मिता खवास रहेका छन्।