काठमाडौं- अछामकी १२ वर्षीया सुस्त मनस्थितीकी एक बालिकको थापाथलीस्थित प्रसुति गृहमा २२ हप्ताको गर्भपतन गराइएको छ।
जन्म दिन नसक्ने र स्वास्थ्यमा जोखिम पर्ने भएकाले शुक्रबार बिहान गर्भपतन गरिएको अस्पतालले जनाएको छ।
अछामको रामारोशनकी १२ वर्षीया सुस्त मनस्थितिकी बालिकाको पेटमा गर्भरहेको थाहा भएपछि उनलाई काठमाडौं ल्याइएको थियो।
कुकुरले टोकेपछि रेबिजविरुद्धको सुई लगाउन बयालपाटा अस्पताल ल्याउँदा उनको पेटमा गर्भ रहेको थाहा भएको थियो।
उमेर सानै भएकाले समस्या हुने जनाउँदै जिल्ला अस्पतालमा रहेको एकद्वार संकट व्यवस्थापन केन्द्रमार्फत उनलाई प्रसूति गृहमा ल्याइएको थियो।
गर्भपतनपछि बालिकाको स्वास्थ्य अवस्था सामान्य रहेको अस्पतालले जनाएको छ। उनको पेटको गर्भ कसको हो भन्ने बारेमा अछाम प्रहरीले अनुसन्धन गरिरहेको जनाएको छ।
जिल्ला प्रहरी कार्यालयले अनुसन्धानका लागि दुई जनालाई पक्राउ गरिएको जानकारी दिएको छ।