धनगढी– नेकपा (एमाले) परित्याग गरेर नेकपा (एकीकृत समाजवादी) पार्टीमा जान चाहने सुदूरपश्चिमका प्रदेशसभा सदस्य निर्वाचन कार्यालयमा सनाखत गर्ने तयारीमा छन्। आजै बेलुकासम्म धनगढीस्थित प्रदेश निर्वाचन कार्यालयमा पुगेर सनाखत गर्ने तयारीमा प्रदेश सांसद जुटेका हुन्।
स्रोतका अनुसार एमालेका १३ जना प्रदेश सांसद नेकपा (एकीकृत समाजवादी) तिर जाने तरखरमा छन्। ५२ सदस्यीय सुदूरपश्चिम प्रदेश सभामा सभामुखसहित एमालेका २५ जना सासंद छन्। पार्टी विभाजन हुनुअघि केपी शर्मा ओलीलाई साथ दिने सांसदको संख्या ७ मात्र थियो ।
सभामुखसहित १८ जना माधवकुमार नेपाल पक्षका थिए। सभामुख बाहेक १७ जना नेपाल समूहका सांसदले त पार्टीको निर्णय विपरीत माओवादी नेतृत्वको प्रदेश सरकारलाई विश्वासको मत पनि दिएका थिए।