काठमाडौं - भारतले सार्वजनिक गरेको नयाँ नक्सामा दार्चुलाका केही भू-भाग परेपछि देशभर विरोध प्रदर्शन भैरहेका बेला नेपाली कांग्रेसका सभापति शेरबहादुर देउवाले भारतीय राजदूत मंजिव सिंह पुरीसंग टेलिफोन संवाद गरेका छन्।
देउवाले पुरीसँगको संवादका क्रममा नक्साप्रति आफ्नो ध्यानाकर्षण भएको बताए। उनले लिपुलेक नेपालको अविभाज्य भूमि रहेको तथ्यमा नेपाली कांग्रेस प्रष्ट रहेको र आफ्ना कुनैपनि भूमिमाथि हुने कुनैपनि ढंगको अतिक्रमण अस्वीकार्य हुने बताएका कांग्रेस प्रवक्ता विश्वप्रकाश शर्माले जानकारी दिए।
यस्तो महत्वपूर्ण प्रश्नमा दल विशेषको मत भन्दा माथि उठेर देशको साझा मत एवं त्यस्तो मतको प्रतिनिधित्व गरेर कुटनीतिक माध्यमद्वारा हल खोज्नुपर्ने कांग्रेसले बताएको छ।