पोखरा- उपनिर्वाचनका लागि मनोनय दर्ता सुरु हुनासाथ कास्कीको मुख्य निर्वाचन अधिकृतको कार्यालय नजिकै बम विस्फोट भएको छ।
मनोनयकन लागि नेकपाकी कास्की क्षेत्र नम्बर २ की उम्मेदवार विद्या भट्टराई कार्यालयमा प्रवेश गर्ने बित्तिकै बम विस्फोट भएको प्रहरीले जनाएको छ ।
खराको राष्ट्र बैंक चोक नजिकै रहेको टुरिष्ट बसपार्कमा बिस्फोट भएको वैदाम प्रहरी इन्चार्ज डीएसपी कोमल शाहले जानकारी दिए ।
बम बिस्फोट भएको स्थानमा सुरक्षाकर्मी परिचालन भइसकेका छन्। बम बिस्फोट कसले गराएको हो भन्ने केही खुलेको छैन।
मंसिर १४ को उपनिर्वाचन प्रक्रिया आजदेखी सुरु भएको छ । निर्वाचनमा भाग लिनको लागि मनोनयन दर्ता गर्न दलका उम्मेदवारहरु कार्यालय पुग्दैछन ।
कास्की २ मा प्रतिनिधिसभाको निर्वाचन हुन लागेको हो । यसैबीच नेकपाकी उम्मेदवार विद्या भट्टराईले आफ्नो मनोनयन दर्ता गराएकी छिन्।