अपहरणकारीलाई गोली हानी बालकको सकुशल उद्धार

पर्सा- काभ्रेबाट अपहरित वालकलाई प्रहरीले पर्साको वीरगञ्जबाट शकुशल उद्धार गरेको छ।

प्रहरीले एकजना अपरहणकारीलाई गोली हानेर नियन्त्रणमा लिएको जनाएको छ। मंगलवार राति वीरगञ्जकै सिर्सिया खाल्वाटोलामा फिरौती माग्दै गरेको अवस्थामा प्रहरीले पर्साको पोखरीया नगरपालिका–८ बस्ने राजकुमार दासलाई गोली हानेर नियन्त्रणमा लिएको पर्साका प्रहरी प्रमुख सोमेन्द्र सिंह राठौरले जानकारी दिए। दासको दाहिने खुट्टामा गोली लागेको छ ।

काभ्रेबाट एक बालक अपहरण गरी अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले दासलाई गोली हानी नियन्त्रणमा लिएको एसपी राठौरले बताए ।

गोली लागेर घाइते भएका अपहरणकारीको नारायणी अस्पतालमा उपचार भइरहेको उनले जानकारी दिए। घट्ना बारे बिस्तृत जानकारी पत्रकार सम्मेलनमार्फत दिने पनि उनले बताए।