१८ हजार ७७१ जनाले लिए श्रम स्वीकृति

काठमाडौं- चालू आर्थिक वर्षको तीन महिनामा १८ हजार ७७१ जनाले वैदेशिक रोजगारीका लागि श्रम स्वीकृति लिएका छन्। तीमध्ये १७ हजार ६०७ पुरुष र एक हजार १६४ महिला रहेको वैदेशिक रोजगार विभागले जनाएको छ।

विभागका अनुसार विभिन्न शीर्षकमा ३१३ वटा उजुरी परेका छन्। ती उजुरीमा १० करोड ६८ लाख ९० हजार रकम मागदाबी गरिएको छ।

चालु आर्थिक वर्षको पहिलो तीन महिनामा विभागले आरके म्यानपावर प्रालि र भ्रिन्दित सर्भिस प्रालिको अनुगमन गरेको छ। ती म्यापावरले वैदेशिक रोजगारीमा जानेबाट बढी रकम असुलेको गुनासो आएको थियो। ती म्यानपावरमाथि अनुसन्धान भइरहेको छ।

विभागले दुई अर्ब ३४ करोड २९ लाख २४ हजार रपैयाँ बराबर माग दाबीसहित अदालतमा ३४२ वटा मुद्दा दायर गरेको छ। यस्तै ३२ वटा संस्थालाई ४१ लाख ५० हजार रुपैयाँ जरिबाना तिराएको छ।