काठमाडौं- उपविर्वाचन आउन करिब तीन हप्ता मात्रै बाँकी रहदासमेत प्रमुख प्रतिपक्षी दल नेपाली कांग्रेसले अझै उम्मेदवार चयन गर्न सकेको छैन्।
निरन्तर आन्तरिक छलफलमा जुटेपनि सहमति हुन नसक्दा अझैसम्म उम्मेदवार छनोट हुन नसकेको हो ।
सभापति शेरबहादुर देउवा र बरिष्ठ नेता रामचन्द्र पौडेल पक्षबीच उम्मेदवार छनोटमा चर्को विवाद देखिएको छ । विवाद मिलाउनका लागि आज पनि पदाधिकारी बैठक बोलाइएको छ। आज बस्ने बैठकले उम्मेदवारको टुंगो लगाउने कांग्रेस नेताहरुको दाबी छ।
काग्रेसले आजै निर्वाचन हुने जिल्ला र क्षेत्रबाट केन्द्रीय कार्यसमितिमा प्रतिनिधित्व गर्ने केन्द्रीय सदस्यहरुसँग पनि छलफल गर्दैछ । उनीहरुसँगको छलफलका आधारमा पदाधिकारी बैठकले उम्मेदवार छान्ने प्रवक्ता विश्वप्रकाश शर्माले जानकारी दिए ।