काठमाडौं- प्रदेश प्रमुख सिफारिसमा भाग नपाएपछि सत्तारूढ नेपाल कम्युनिस्ट पार्टी (नेकपा) का चौथो वरीयताका नेता माधवकुमार नेपालले नोट अफ डिसेन्ट राखेका छन्।
प्रदेश प्रमुख सिफारिस एकलौटी र पूर्वाग्रहप्रेरित भएको भन्दै नेता नेपालले लिखित असहमति राखेको बुझिएको छ।
मनोमानी ढंगले प्रदेश प्रमुख सिफारिस गरेको भन्दै नेता नेपालले सचिवालयको निर्णयप्रति लिखित असहमति राखेको एक सदस्यले बताए।
उनले व्यक्तिको विरोध नभई पद्धतिको विरोध गरेको जनाइएको छ।
नयाँ प्रदेश प्रमुख नियुक्त गर्दा नेपालले प्रदेश ३ मा आफू निकट अमृत बोहोरा र रघुजी पन्त मध्ये एक जना पनि नसमेटिएपछि उनी असन्तुष्ट बनेका हुन्।
यसअघि पार्टीको प्रदेश इन्चार्ज तोक्ने गत साउन ३१ गतेको निर्णयका विरुद्ध पनि नेता नेपालले नोट अफ डिसेन्ट लेखेका थिए।