सरकारद्वारा सातै प्रदेशका प्रमुख पदमुक्त

सरकारले सातै प्रदेशका प्रमुखहरूलाई पदमुक्त गरेको छ।

मन्त्रिपरिषद्को आइतबार बसेको बैठकले प्रदेश प्रमुखहरुलाई  पदमुक्त गर्न राष्ट्रपति विद्यादेवी भण्डारीलाई सिफारिश गरेको थियो।

सोही सिफारिशका आधारमा आजै सातै प्रदेश प्रमुखलाई पदमुक्त गरिएको राष्ट्रपति कार्यालय जनाएको छ।

ती सबैलाई  शेरबहादुर देउवा नेतृत्वको तत्कालीन सरकारले २०७४ माघ ३ गते नियुक्त गरेको थियो।