काठमाडौं- स्पेनिस ला लिगामा रियाल म्याड्रिडले निराशजनक बराबरी खेलेको छ।
शनिबार राति भएको खेलमा रियालले रियल बेटिससँग गोलरहित बराबरी खेलेको हो।
खेल अवधिभर रियालले रियल बेटिसमाथि पकड जमाए पनि गोल भने गर्न सकेन। रियालको घरेलु मैदानमा भएको खेलमा इडेन हजार्डले गोल गरे पनि रेफ्रीले मान्यता दिएनन्। उनले खेलको आठौं मिनेटमा गोल गर्दा रेफ्रीले भिएआरको सहायताबाट गोललाई मान्यता दिएनन्।
बराबरीपछि एक अंक जोडेको रियाल २२ अंकसहित दोस्रो स्थानमा यथावत छ। समान २२ अंक रहे पनि बार्सिलोना गोलअन्तरमा शीर्षस्थानमा छ। रियल बेटिस १३ अंकसहित १४औं स्थानमा छ।