शनिबार, वैशाख ८, २०८१

नेदरल्यान्ड्सलाई विश्वकप छनोटको उपाधि

नेदरल्यान्ड्सले आईसीसी टी-२० विश्वकप छनोट प्रतियोगिताको उपाधि जितेको छ। युएईमा शनिबार राति भएको फाइनलमा पपुवा न्युगिनीलाई ७ विकेटले हराउँदै नेदरल्यान्ड्सले उपाधि जितेको हो ।

नेपाल समय | आइतबार, कात्तिक १७, २०७६

नेपाल समय

आइतबार, कात्तिक १७, २०७६

काठमाडौं- नेदरल्यान्ड्सले आईसीसी टी-२० विश्वकप छनोट प्रतियोगिताको उपाधि जितेको छ।

युएईमा शनिबार राति भएको फाइनलमा पपुवा न्युगिनीलाई ७ विकेटले हराउँदै नेदरल्यान्ड्सले उपाधि जितेको हो ।

१२९ रनको सामान्य चुनौती पछ्याएको नेदरल्यान्ड्सले १९ ओभरको समाप्तिमा तीन विकेटको क्षतिमा लक्ष्य पूरा गर्‍यो। नेदरल्यान्ड्सलाई जित दिलाउन वेन कुपरले सर्वाधिक ४१ रन जोडे। यस्तै, रियान टेन डोस्याट र कोलिन एकरम्यान अभिजित रहँदै क्रमशः ३४ र २९ रन बनाए ।

यसअघि टस जितेर पहिले ब्याटिङ गरेको पपुवा न्युगिनीले निर्धारित २० ओभरमा ८ विकेटको क्षतिमा १२८ रन बनाएको थियो । उसका लागि लिगा सिकाले सर्वाधिक ३९ रन जोड्दा सिसी बाउले २९ रन बनाएका थिए ।

तेस्रो स्थानको लागि भएको खेलमा आयरल्यान्डले नामिवियालाई २७ रनले पराजित गरेको छ।