शुक्रबार, फागुन ९, २०७६

खेलकुद

मेस्सीको गोलसँगै बार्सिलोना पुनः शीर्षमा

मेस्सीको गोलसँगै बार्सिलोना पुनः शीर्षमा

स्पेन– स्पेनिस लिग ला लिगामा साविक विजेता बार्सिलोनाले ग्रानाडामाथि जित निकालेको छ।

आइतबार राति सम्पन्न खेलमा उसले ग्रानडामाथि १–० को जित निकाल्यो। अर्जेन्टिनी फरवार्ड लियोनेल मेस्सीले ७६ औं मिनेटमा गरेको गोल बार्सिलोनाका लागि निर्णायक बन्यो। त्यसअघि खेलको ६९ औं मिनेटमा साञ्जे बाराहोनाले रातो कार्ड पाएपछि ग्रानाडा १० खेलाडीमा सीमित भएको थियो।

जितसँगै बार्सिलोना ४३ अंकसहित पुनः शीर्ष स्थानमा उक्लिएको छ। यसअघि शीर्ष स्थानमा रहेको रियल म्याड्रिड भने एक स्थान तल स्थानमा झरेको छ। बार्सिलोनासँग समान अंक भए पनि रियल म्याड्रिड गोल अन्तरका आधारमा दोस्रो स्थानमा झरेको हो। बार्सिलोनाको गोल अन्तर २७ छ भने रियल म्याड्रिडको २५ छ।

ग्रानाडा भने २७ अंकका साथ १० औं स्थानमा छ।

प्रतिक्रिया दिनुहोस्