शनिबार, फागुन १७, २०७६

अर्थ

छैठौँ महिला उद्यमी सम्मेलन माघ १२ र १३ मा हुँदै

छैठौँ महिला उद्यमी सम्मेलन माघ १२ र १३ मा हुँदै

काठमाडौं- छैठौँ महिला उद्यमी सम्मेलन २०२० यही माघ १२ र १३ गते काठमाडौँमा हुने भएको छ।

नेपाली युवा उद्यमी फोरमको आयोजनामा सो सम्मेलन हुने भएको छ। सो सम्मेलनमा ३०० जना भन्दा बढी महिला युद्यमीको सहभागिता हुने अपेक्षा रहेको आयोजकले जनाएको छ।

कार्यक्रम कनेक्ट, कोलाबोरेट र क्रियट भन्ने नाराका साथ सम्मेलन आयोजना गरिदैँछ। त्यसैगरी कार्यक्रमको प्लाटिनम स्पोनसर अन्तर्राष्ट्रिय श्रम संगठन रहेको छ।

जसले महिला उद्यमशिलतालाई प्रवद्र्धन गर्दै आएको छ। गतवर्षको सम्मेलनमा पनि करिब ३० प्रतिशत सहभागिता पुरुषको थियो र यो वर्ष पनि महिला पुरुष दुवैको सहभागिता रहनेछ।

कार्यक्रममा, उद्यमी, श्रमिक महिला, विभिन्न व्यावसायीहरु लगायत विभिन्न विज्ञहरु र विद्यार्थीहरुको उपस्थिति रहने आयोजकले जनाएको छ।

कार्यक्रममा विभिन्न विज्ञहरुको सम्बोधन रहनेछ भने ६ वटा विभिन्न प्यानलमा छलफल रहने आयोजकले जानकारी दिएको छ।

सम्मलेनमा महिला उद्यमशिलताका विषयमा र उनीहरुले भोगेका चुनौती र अवसरहरुको बारेमा विभिन्न सत्रहरुमा छलफल गरिनेछ भने सहभागीहरुको बौद्धिक तथा कार्य क्षमतालाई प्रोत्साहन गरिनेछ।

आयोजकका अनुसार महिला उद्यमीहरुको लागि आफू जस्तै अन्यउद्यमीहरु सँग जनसम्र्पक बढाउनको लागि एउटा राम्रो अवसर हुनेछ।

प्रतिक्रिया दिनुहोस्