शनिबार, फागुन १७, २०७६

समाज
१३ किलो गाँजासहित पक्राउ

मकवानपुर- मकवानपुर प्रहरीले १३ किलोग्राम लागूऔषध गाँजासहित १ जनालाई पक्राउ गरेको छ।

आइतबार दिउसो ईलाका प्रहरी कार्यालय नेवारपानीबाट खटिएको प्रहरी टोलीले पश्चिमबाट पूर्वतर्फ जाँदै गरेको ना३प ६८०९ नम्बरको मोटरसाईकल चालक पर्सा पर्सौनी गाँउपालिका–८ का ४९ वर्षीय बृजलाल जयसवाललाई पक्राउ गरेको हो।

प्रहरी नायव निरीक्षक राजेश कुमार यादवको नेतृत्वको टोलीले ईलाका प्रहरी कार्यालय नेवारपानी अगाडि सवारी साधन चेकजाँच गर्ने क्रममा जयसवालको झोलाबाट उक्त गाँजा बरामद गरेको प्रहरीले जनाएको छ।

प्रतिक्रिया दिनुहोस्