धरान - धरान उपमहानगरपालिकाको मेयर पदमा नेकपाबाट तीनजनाको नाम सिफारिस भएको छ। नेकपा धरान नगर समितिले जिल्ला सदस्यहरु प्रकाश राई, फोक्वाहाङ सुब्बा (चोत्लुङ) र वेणु काफ्लेको नाम सिफारिस गरेको छ। तीनैजनाको नाम पार्टी जिल्ला र प्रदेश कमिटीमा पठाइने नेकपा धरानका अध्यक्ष नारायण सुवेदीले बताए।
मेयरका आकांक्षी धेरै भएपछि बैठकले बहुमतका आधारमा उमेद्वार छनोट गरेको हो।
राई र काफ्ले माधव नेपाल पक्षधर मानिन्छन्। धरान नगर सदस्य तथा युवा संगठनका केन्द्रीय सचिवालय सदस्य हिमाल लिम्बुले उम्मेदवारको नाम सिफारिसमा महत्त्वपूर्ण व्यक्तिलाई बाइपास गरेको आरोप लगाए।
कांग्रेसले भने मेयरमा तिलक राईको नाम सर्वसम्मत चयन गरेको छ। उनी पार्टीका धरान नगर सभापति हुन्।
प्रकाशित: Dec 31, 2017| 18:23 आइतबार, पुस १६, २०७४