काठमाडौं- नेपाल तरुण दलले बाँकेको नेपालगन्जमा कार्यकर्ता पक्राउको विरोध जनाएको छ।
तरुण दलले शुक्रबार विज्ञप्ति जारी गरी घटनाको विरोध गरेको हो।
“लोकतन्त्रवादी तरुणहरूलाई विभिन्न झुठा बहानामा पक्राउ गरी फसाउने र दुःख दिने वर्तमान आसिष्ट कम्युनिस्ट सरकार र यसका भ्रष्ट प्रहरीको निरन्तरता स्वरूप भएको तरुण नेता सन्दीपजंग शाह लगायत पक्राउको घटनाको नेपाल तरुण दल केन्द्रीय समिति घोर निन्दा र भत्र्सना गर्छ,” तरुण दलका अध्यक्ष जितजंग बस्नेतद्वारा जारी विज्ञप्तिमा भनिएको छ।
तरुण दलले पक्राउ परेकालाई तत्काल रिहा गर्न, निर्दाेष तरुण नेतालाई पक्राउ गरी फसाउन झुठा प्रपञ्च रच्ने षडयन्त्रकारी प्रहरीलाई हदैसम्मको कारवाही गर्न र बरामद गरिएको भनिएको हतियारमा फिंगर प्रिन्ट तत्काल जाँच गरी सत्यतथ्य बाहिर ल्याउन माग गरेको छ।
प्रहरीले गत बिहीबार नेपालगन्जको नमस्ते भिलेज रिसोर्टमा पार्किङ गरिएको बा१८च ४२११ को कारमा लुकाइएको अवस्थामा अमेरिकन बुलेट लोडेड पेस्तोलसहित तरुण दलका नगर सभापति सन्दीपजंग शाहसहित ६ तरुण कार्यकर्तालाई पक्राउ गरेको थियो। पक्राउ पर्नेमा दिनेशकुमारी शाही, राधव शाह, प्रितम थापा, माधव नेपाली र यामबहादुर बुढा रहेको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४